GND Sei Tane Aas TL Tama ASEAN

Info Timor-Prezidente Grupu Nasional Dezenvolvimentu, (GND) Claricia Lay esklarese katak, prezensa GND ne’e mos, atu tane’e a’as governu nia mehi ne’ebé hakarak lori Timor Leste tama ba ASEAN.

Claricia Lay hatutan,  GND harii hanesan mós parte ida atu fó no loke dalan prioridade  ne’ebé mak povu ida ne’e presiza duni, tanba kuandu hahú agora oinsa tane aas Timor Leste tama ba ASEAN.

“Ita atu tane as ASEAN tama mai, ita emprezariu Timor-oan tenke prepara an uluk hanesan preparasaun investimentu iha área oi-oin hanesan hotelaria, eskola di’ak, bele halo tan buat foun ba Timor-Leste, ita hotu hatene katak governu seidauk iha Badan Usaha Milik Negara (BUMN), ne’e duni ami mehi katak loron ida governu fó fiar mai ami, mas ami sei hatudu ami nia kbi’it, ha’u sente ita hotu nu’udar Timor-oan tenke tau as ida ne’e, tanba ita laran metin ba fundu mina-rai, entaun komesa agora ita bele halo buat seluk, iha rai mamuk ita bele kuda produtu barak, ita bele hari’i produtu agrikultura ida ne’ebé ho kuantidade as liu, ita bele halo exportasaun,”afirma Claricia Lay ba jornalista sira iha seremonia inagurasaun ba grupu GND iha Jacinto Ball Room Kuluhun (08/03).

Tanba ne’e, Claricia husu ba empreza Timor-oan hotu atu servisu tuir ida-idak nia kna’ar ho responsabilidade no tau as hahalok profesionalizmu emprezariu nian, hodi bele halo buat ne’ebé diak ba povu no rai ida ne’e.

Maibe Claricia Lay dehan, servisu ne’e tenki haktuir ho valores hotu ne’ebé iha ona tenke fó mós importansia liu ba interese comum hanesan dirize malu ba alkansa objetivu dezenvolvimentu nasionál no hasa’e rendimentu ekonómia nasionál Timor-leste liu husi seitór privadu, nune’e setor privadu mós bele kompete iha ekonómia mundial, liu-liu iha era globalizasaun ida ne’e.

Grupu GND ne’e sadere ba etiku hodi servisu liu husi profesionalizmu emprezariu nian, tanba ne’e Claricia  fiar katak grupu  ida ne’e sei sai nu’udar referensia ba ema barak no sei tau matan ba governu bainhira governu hetan Krítikas, emprezariu la ses an husi Krítikas hirak ne’e.

Bainhira mundu internasionál husu ba governu tau matan servisu instituisaun estadu, liu-liu rekursu humanu, setor privadu mós la ses an husi ne’e. Oinsa setor privadu nia kontribuisaun iha politika nian ba deside desizaun kona-ba seguransa prosperiedade povu Timor-Leste nian.

Ne’e duni Claricia Lay dehan, grupu GND ne’e hari’i atu la’o hamutuk ho governu no emprezariu sira seluk, atu halo kompetisaun ho  kompetisaun ho emprezariu internasioná. Prezidente GND ne’e dehan, ida ne’e bele hatudu ba governu katak emprezariu Timor-oan sira  hamutuk atu hala’o dezenvolvimentu ida ne’ebé diak ba povo no nasaun ida ne’e.Jndiario

Komentario : 

• Tweet

Judul: GND Sei Tane Aas TL Tama ASEAN
Rating: 100% based on 99998 ratings. 5 user reviews.
Ditulis Oleh Nelson Blog 02.43

Artikel Terkait :