TL Realiza Konferensia Internasional Kombate Krimi Fase Osan no Finansiamentu Terorismu

Info Timor-Estadu Timor Leste liu husi Ministerio Negosio Estranjeiru no Kooperasaun (MNEK) no Ministerio Justisa (MJ), Segunda (10/3), realiza konferensia internasional hodi deskute oinsa maka bele kombate krimi brankeamentu capital (fase osan) no finansiamentu terorismu iha future.

Ministru, José Luis Guterres hafoin loke konferensia Internasional informa ba jornalista sira katak Timor-Leste hanesan Estadu ida iha obrigasaun hodi kumpri rezolusaun konselhu seguransa Nasoens Unidas nian kona ba kombate brankamentu capital no finansiamentu terorizmu.

“Núdar nasaun ida ita iha obrigasaun tuir konselhu seguransa Nasoens Unidas atu kumpri rezolusaun ho kombate krimi fase osan no finansiamentu terorismu,” Ministru Negosiu Estranjeirus no Kooperasaun, José Luis Guterres hatete iha edifisiu MNEK Praia Coqueiros Dili.

Ministru, José Luis Guterres hateten maske Timor-Leste kumpri regulamentu no konvensones internasional Nasoens Unidas nian sobre finansimanetu terorismu ne’ebé desidi husi Konselhu Seguransa Nasoens Unidas nian.

“Ita bele dehan katak kompara ho nasaun seluk ita kumpri regulamentu ho tan konvensaun internasional sobre finansiamentu terorismu no desijaun konselhu seguran nian hotu,” Ministru, José Luis Guterres, hateten.

Konferensia Internasional ne’e hala’o iha Salaun MNEK no hetan participasaun husi peritu husi Asia Pasifiku, ajensia kombate Nasoens Unidas nian atu haree sobre komprimentu progresu organizasaun nian.

Konferensia Internasional ne’e ho objetivu atu halo diskusaun hamutuk ho instituisaun relevante hanesan MNEK, MJ, Banku Central Timor-Leste (BCTL), Ministerio Públiku inklui partisipa mós husi sosiedade civil.

Iha fatin hanesan Vice-MJ, Ivo Valente iha diskusaun refere aprezenta esforsu governu nian atu haree medida bele apoiu orgaun justisa para funsiona ho diak hodi kombate krimi brankeamentu capital no finansiamentu terorismu.

Tamba ne’e lei ne’ebé mak governu tau ona hodi fo kompetensia ba instituisaun judicial tomak hamutuk ho Banku central atu bele haree krime bo’ot rua hanesan brankamentu capital no finansiamentu terirozmu iha Timor-Leste.

Ho nune’e husi norma internasional ne’ebé maka ejisti importante ba Timor-Leste atu antisipa oinsa atu kombate krimi rua ne’e liu husi enkuadramentu legal husi medidas fo kontra krimi bo’ot rua ne’e.

“Ita Timor-Leste hakat dadauk aprende husi internasional sira ba esperiensia oinsa atu bele hodi kombate krimi brankeamentu capital no finansiamentu kontra terorismu,”Ivo Valente, dehan.

BCTL Estabelese UIF Apoio Analiza Ba Trsnzaksaun Finanseira

Atu kombate brankamentu capital no finansiamentu teritorio Banco Central de Timor-Leste (BCTL), estabelese Unidade Informasaun Finansiamentu (UIF) atu oinsa maka bele analiza ba transaksaun financial.

Nune’e Ministeriu Justisa afirma katak Unidade Informasaun finanseiru importante tebes bele hala’o servisu maka’as no koopera malu diak liu tan husi sistema para bele kombate krimi fase osan no finansiamentu terorismu.

Entretantu Prokurador Jeral Repúblika, José da Costa Ximenes hateten katak atu kombate krime rua ne’e presia iha unidade informasaun finansiamentu hodi apoio ba servisu investigasaun Ministerio Públiku nian tamba durante ne’e laiha unidade ida maka apoio ba investigasaun tamba ne’e susar atu  hetan informasaun husi banku sira iha Timor-Leste.

PJR, José da Costa informa tan katak iha tinan 2011 iha akontese ona krimi brankeamentu capital ne’ebé maka involve direita sidadaun timoroan nain ida ne’ebé maka hala’o tranzaksaun osan estadu nian kuaze $130.000 ital,maibe laiha unidade informasaun sobre finansiamentu entaun susar atu halo investigasaun ne’ebé klean.

Prokurador jeral afirma katak investigasaun ba krimi ne’ebé maka sita iha leten maioria ho konfidensial nunka fo sai detalhu ba publiku sobre mekanismu, teknika juridika para hala’o investigasaun ida diak.

Nune’e Governador Banku Central Timor-Leste, Abrão de Vasconselhos afirma katak iha diskusaun ba konferensia hodi kombate krimi rua relevante tebes ba Timor Leste atu bele ajuda Timor Leste kumpri estadarte internasional ne’ebé maka iha tinan hirak ba kotuk hala’o ona avaliasaun husi grupu Azia Pasifiku hodi halo relatoriu, nune’e hamosu rekomendasaun ba lakunas ne’ebé mak Timor-Leste iha hanesan asuntu relasaun kanselamentu ba fundus ba asset terorista nian tuir rezolsaun ONU no. 276 no 363 ne’ebé maka koalia sobre konzelamentu, no organijasaun naun governmental sira.

Husi dekretu lei 2005 iha lacunas barak akontese tamba ne’e husi seminariu internasional ne’e hodi haree ba servisu tomak para bele hadiak fali.

Oras ne’e dadauk UIF ne’ebé maka estabelese husi BCTL iha ona faze preparasaun hodi funsiona unidade ida ne’e para fo apoio ba servisu investigasaun nian husi instiuisaun relevante.

“UIF ne’ebé maka estabelese iha BCTL nia mahon unidade ida ne’e insensial teb-tebes tamba nia maka halo analiza ba tranzaksaun. Agora dadauk iha ona faze preparasaun atu bele funsiona unidade ida ne’e,”dehan Abrão de Vasconselhos.

Governador banku central fiar katak ho unidade informasaun finanseiru ne’ebé maka estabelese ona sei halo analiza ba banku sira no instituisaun finanseiru sira tamba ne’e maka sei kria rekurusu umanu ida ne’ebé maka forte atu bele hala’o servisu ida ne’e.Jndiario

Komentario : 

• Tweet

Judul: TL Realiza Konferensia Internasional Kombate Krimi Fase Osan no Finansiamentu Terorismu
Rating: 100% based on 99998 ratings. 5 user reviews.
Ditulis Oleh Nelson Blog 02.48

Artikel Terkait :