PM Xanana Krítika CNT

Info Timor-Primeiru Minstru Kay Rala Xanana Gusmão krítika óbra ne’ebé Consorsio Nasional Timorense (CNT) halo ho WIKA, tanba bainhira PM Xanana rasik halo observasaun ba óbra ne’ebé kompañia rua ne’e kaer, PM Xanana nunka haree CNT nia ema atu hamri’ik iha ne’ebá.

 “Óbra sira durante ne’e ha’u kuandu ba, CNT nia ema sira ne’e laiha, ha’u haree mak WIKA deit, CNT nia ema sira ne’e lahatene subar iha ne’ebé,”dehan Primeiru Ministru iha nia diskursu, bainhira partisipa iha seremonia inaugurasaun Grupu Nasional Dezenvolvimentu (GND) Sábadu (8/3) iha Jacinto Ball Room Kulu-hun Dili.

Tanba ne’e PM Xanana apela ba CNT atu haka’as-an servisu, para iha futuru mai, CNT bele kaer servisu rasik.

Hatan ba krítika PM Xanana nian ne’e, Prezidenti Consorsiu Nasionál Timorense (CNT) Jorge Serrano konsidera katak, krítika Primeiru Ministru Kay Rala Xanana Gusmão ne’e la’os haree ba CNT nia parte ida negativu, maibé tanba durante ne’e CNT halo óbra ho kualidade ne’ebé di’ak.

“Primeiru Ministru dehan katak óbra durante Primeiru Ministru ba, haree mak WiKA, laharee CNT la’os CNT laativu.  Apelu Primeiru Ministru nian ne’e normál, maibé apelu ne’e la’os dehan katak, apelu aat, apelu ne’e tanba sayang ami, istima ami, ida ne’e mak fó atensaun, la’os tanba apelu negativu la’e,” katak Jorge Serrano ba Jornalista sira iha Jacinto Ball Room Kulu-hun Dili, Sábadu bainhira partisipa iha loron inaugurasaun Grupu Nasional Dezenvolvimentu (GND).

Jorge Serrano hatutan katak, apelu Primeiru Ministru nian ne’e, hanesan mós bolu atensaun ba CNT tanba óbra iha Dili laran ne’e, barak mak Primeiru Ministru fó fiar nafatin ba CNT.

“Preparasaun ba CPLP, ami mak kaer nafatin, purtantu ida ne’e apelu ida pozitivu, satan ohin ne’e lansamentu grupu ida, Primeiru Ministru hatene ami, tanba uluk ponte Comoro 2, Primeiru Ministru ba dala hira iha ne’eba, lahetan ami, ne’emak nia preokupa,”katak Jorge Serrano.

Maibé tenik Prezidenti CNT ne’e, agora dadauk ne’e, ponte Comoro 1 ne’e, tékniku tomak CNT nian hotu-hotu iha ne’eba. Tanba ne’e apelu Primeiru Ministru nian ida ohin ne’e, hanesan apelu chamada atensaun ida hadomi nian, la’os apelu ida kontra negativu nian.

“Sé Primeiru Ministru lasama atensaun ba CNT, ou CNT ne’e anak emas Primeiru Ministru nian. Ate ohin mós Marí Alkatiri rasik mós dehan katak, CNT ne’e, sebenarnya tau deit R ba CNRT la’os CNT,”akresenta Jorge Serrano.

Buat sira ne’e hotu katak Jorge Serrano, tenki komprende, tanba PM Xanana hanesan aman ba ema hotu no ba nasaun ida ne’e, apelu sira ne’e normál. Jorge Serano dehan, CNT sei hadia-an nafatin, no CNT mós konsidera teb-tebes apelu Primeiru Ministru nian ne’e.

Hatan kona-ba Mari Alkatiri nian ne’ebé dehan katak, emprezáriu sira labele depende liu ba osan minarai nian, Jorge Serrano mós rekoñese katak, CNT nia reseita barak mak mai husi mina, maibé CNT mós investe.

“CNT ami na’in 7 ne’e, investementu ne’e barak ona, balun komesa halo ona, hanesan foin lalais ne’e, komesa primeira pedra ba ETO nian, ha’u nian Novo Turismu mós la’o hela, no kolega sira seluk investe iha Tibar,”tenik Jorge Serrano.

Prezidenti CNT ne’e fundamenta katak, CNT mós oras ne’e dadaun komesa book-an hodi halo investementu barak ona.

Jorge Serrano mós hateten katak, kona-ba projetu Supply base ne’e, CNT hanesan Consorsiu, Primeiru iha Timor ne’ebé iha ekipamentus kompletu. Maibé problema mak la’os ekipamentus deit, maibé finansiamentu mós, tanba ida ne’e projetu bo’ot.

“Husi CNT nian, ami preparadu, maibé buat ne’e depende husi governu, buat ne’e atu konkorsu ka, buat ne’e atu ajustu direita ka penunjukan langsung, ida ne’e desizaun polítika governu nian,”dehan Jorge Serrano.

Iha okaziaun ne’e Jorge Serrano mós informa katak, empregadu ne’ebé servisu ho CNT, oras ne’e dadauk liu ona ema 900. Tanba ne’e, tuir Jorge Serrano katak, atu ajuda empregu iha Timor laran ne’e, CNT ajuda mós Timor oan barak ona.

Konaba Ponte Comoro 1, Jorge Serrano informa katak, tuir tarjeitu CNT nian, antes de simeira CPLP Ponte Comoro 1 ne’e tenki remata.

“Ne’ebé molok tama iha fulan Jullu Ponte ne’e tenki inaugura ona”, hateten Jorge Serrano.Jndiario

Komentario : 

• Tweet

Judul: PM Xanana Krítika CNT
Rating: 100% based on 99998 ratings. 5 user reviews.
Ditulis Oleh Nelson Blog 02.55

Artikel Terkait :