Casmiro de Araujo, la aguenta ona ho nia
oan feto deben nia hahalok ne’ebe sia kalan tomak la tama uma. Ho
nune’e, nia foti fiu metan kesi nia oan feto doben atu la bele sai tan
husi uma iha loron tomak nia laran.
Buat ne’ebe halo Casmiro nudar aman moe
ba nia oan feto doben ne’e mak sai kalan tomak ba ho nia amor dader mak
fila mai uma. Casmiro la’os kesi deit ho fiu, maibe nia tensaun sae
kompletu hodi lori mos sukaer sanak hurlele nia oan feto doben ne’e to’o
isin lolon bubu hotu kedas.
Tuir akuzasaun husi Ministeriu Publiku
nian katak, iha loron 19 Fevereiru 2013, Casamiro kesi no baku nia oan
feto doben tanba sai husi uma loron tomak.
Hafoin rona akuzasaun arguido Casimiro
hatete, nia parte rekunhese akuzasaun husi MP ne’e los hotu. Nia baku no
kesi nia oan dobren tanba sai husi uma ho nia namorado iha kalan to
fali dadersan.
Bainhira nia baku hela lezada ho
kondisaun kesi hela, mak polisia to mai kore lezada hodi lori arguido ba
iha polisia. Iha fatin hanesan lejada Agrefina hatete, nia parte
rekunhese duni katak arguido baku nia tanba nia sai ho nia namora husi
uma iha kalan to dader mak foin tama uma. Ne’e mak nia aman baku nia
lori ai sanak sukaer ne’e hodi halo nia isin kanek hotu.
Iha alegasaun parte MP hatete, tanba
arguido halo agresaun fisika ba lezada no trata nia oan feto ho lia fuan
at. Hodi nune’e husu ba tribunal atu aplika pena prizaun tinan tolu (3)
ba arguido.
Nune’e parte defeza husu ba tribunal atu
aplika pena suspensaun ba arguido, arguido baku tanba lezada sai ho nia
namora iha kalan to dader. Ne’ebe nudar aman nia tenke hanorin nia oan.
Audensia julgamentu ne’e prezide husi
juis kolektivo, Antonio Helder do Carmo, Zulmira Auxiliadora ho Zumiaty
Maria. MP reprezenta husi prokurador Renato Bere Nahak no arguido hetan
asistensia legal husi defensor publiko Marsia Sarmentu. Leitura
akordaun sei halao iha loron 13 fulan Marsu tinan ida ne’e tuku 14:00
loraik. Jndiario
Kometario :
Judul: Kalan Tomak Sai Ho Amor, Aman Kesi Ho Fiu No Hisik Ho Sukaer Sanak
Rating: 100% based on 99998 ratings. 5 user reviews.
Ditulis Oleh 03.37
Rating: 100% based on 99998 ratings. 5 user reviews.
Ditulis Oleh 03.37
