Info Timor-Prezidente Repúblika (PR) Taur Matan
Ruak, kontente ho atuasaun Polisia Nasional Timor-Leste (PNTL) nian ba
grupu Konsellu Revolusaun Maubere (KRM) ho Conselho Popular
Defesa-Republika Demokratika Timor-Leste (CPD-RDTL) tanba ejekuta duni
rezolusaun Governu no Parlamentu Nasional nian ho profisionalizmu.
PR Taur mos apresia ho PNTL nia servisu ne’ebé maka la’o diak tebes hodi rekolla farda militar no sobu sede CPD-RDTL.
“Prezidente kontente ho postura polisia
ninia atuasaun horseik (Horbairuak) mai to’o ohin i husu nafatin para
polisia mantein ninia profisionalizmu iha ejekusaun ba mandate
refere,”dehan Komando Jeral PNTL, Komisario Longhuinos Monteiro ba
jornalista sira iha Palacio Prezidensial Aitarak Laran Dili, Kinta
(06/03), hafoin hasoru malu ho Xefe Estadu, Taur Matan Ruak.
Polisia sobu Sede CPD-RDTL no rekolla
farda militar ne’ebé maka CPD uza hodi kumpri desizaun liu husi
rezolusaun Governu no Parlamentu Nasional nian numeru 5-2014 ne’ebé
kondena grupo illegal sira uza farda militar inklui kondena movimentu
Konselhu Revolusaun Maubere (KRM) nian.
Rezolusaun governu no Parlamentu
Nasional nian ida fo kompetensia ba polisia hodi rekoila farda militar
no hapara movimentu CPD-RDTL no KRM nian no ida seluk maka parte asaun
penal nian ne’ebé maka fo kompetensia ba Ministerio Públiku (MP). Tamba
ne’e PNTL sei halo koordenasaun ho MP.
“Polisia nasional Timor-Leste matein
ninian koordenasaun ho Ministerio Públiku hanesan ho tipular asaun penal
ba iha kazu sira ne’ebé maka iha posibilidade atu lori ba iha asaun
penal, polisia mantein ninia atifidades para impoin orden públika molok
interpreta rezolusaun ninia forsa no mandatu tomak,”Longhuinos, hateten.
Mauk Moruk-CPD-RDTL Tenki Koopera
Nune’e mos Komandante Jeral PNTL,
Longuinos Monteiro husu ba Grupo illegal CPD-RDTL ne’ebé maka lidera
husi Antonio Aitahan Matak no KRM ne’ebé maka lidera husi eis Komandante
Brigada Vermelha, Paulino Gama “Mauk Moruk” atu koopera ho PNTL tamba
polisia iha atu kumpri lei no orden tamba ne’e polisia sei la tauk grupo
ida no sei kontinua atua grupu sira ne’e.
“Iha informasaun katak sei iha
rezistensia maibe husu deit katak koopera ba labele rejisti ho sasan
kroat, kuandu sasan kroat situasaun ne’e muda sai oin seluk, polisia
la’os dehan tauk, polisia latauk so ke situasaun ida agora kiikoan keta
halo buat ne’e sai boot fali, sai boot ona ne’e aumenta tan ita nia
sala, aumenta tan ita kulpabilidade, lalika dehan ameasa ho kilat saida
ne’e, polisia latauk buat sira ne’e so ke ita konselhu malu diak liu
lalika, laiha sala keta halo sala ou keta aumeta tan sala,”Longhuinos,
haforsa.
Mandate ba rejolusaun ne’ebé maka
Governu no Parlamentu Nasional hasai ne’e laiha tempo tamba ne’e polisia
sei sobu hotu sede CPD-RDTL nian iha teritorio Timor laran tomak.
“Mandate ba rezolusaun laiha tempo, ami
planu ba prazu kurtu to’o fulan ida, medio pradu to’o fulan ne’e longu
prazu to’o tinan ida ba oin. Situasaun sei normal, aproveita kopera
autoridades tamba ne’e la’os inisitiva polisia ninian maibe polisia
kumpri rezolusaun husi Parlamentu Nasional nian,”dehan Longhuinos.
Hafoin halo operasaun iha loron ida nia laran polisia konsege rekoila ona farda military balun husi CPD-RDTL.
Sobre Prezidenete KRM, Mauk Moruk nia
prejensa iha Prokuradoria Jeral Repúblika (PJR) ne’ebé maka polisia
seiduak halo kapturasaun ba Mauk Moruk tamba tuir Komandante Jeral katak
seidauk iha karta kapturasaun husi MP hodi kaptura.
“Tenki kordena ho Ministerio Públiku,
mandatu iha tenki ejekuta mandate, ne’e mandat judicial sai tenki
ejekuta. Grave la grave ne’e estadu orientasaun klaru sede CPD-RDTL nian
iha fatin-fatin teritori timor laran tomak tenki taka,”Konadante Jeral
PNTl ne’e hateten.
Iha oportunidade ne’e Komandante Jeral
PNTL informa ba Xefe estadu, Taur Matan Ruak sobre aktividade polisia
komunitaria nian no mós aktividade diresaun tranzitu nian.
Nune’e mós Xefe Estadu hato’o sobre
seguransa polisia nian iha Atauro tamba iha dia 10 to’o dia 15 fulan ida
ne’e Xefe Estadu, Taur Matan Ruak sei hala’o aktividade vizita Suku iha
Ilha Atauro. Jndiario
Komentario :
Judul: PR Taur Matan Ruak Kontente Atuasaun PNTL
Rating: 100% based on 99998 ratings. 5 user reviews.
Ditulis Oleh 03.30
Rating: 100% based on 99998 ratings. 5 user reviews.
Ditulis Oleh 03.30
