Info Timor-Xefe Estadu Maior das Falintil Forsa
Defeza Timor-Leste (F-FDTL) Brigadeiru Jeneral, Filomeno Paixão fiar,
atuasaun Polisia Nasional Timor-Leste (PNTL) ba Konselhu Revolusaun
Maubere no Conselhu Popular Defesa Repúblika Demokratiku Timor-Leste
(CPD-RDTL) sei evita grupo sira ne’e tau farda militar.
Brigadeiru F-FDTL ne’e hateten, atuasaun forsa nian iha rai laran depende ba desizaun politika sira nian.
“Ha’u sente la to’o forsa armadas atu
tun karik, ha’u fiar katak PNTL ho ita nia maluk sira bele rona malu
intende malu para evita. Forsa armada nia hanoin maka ne’e evita maka
ita ran sai halo situasaun ne’e kalma hodi ital abele fila fali ba
situasaun sira hanesan uluk ita rasik sente i ita la gosta, labele fila
ba situasaun ne’e,”dehan Brigadeiro Jeneral, Filomino Paixão ba
jaornalista sira iha Palacio Prezidensial Aitarak Laran Dili, Kinta
(06/03), hafoin hasoru malu ho Prezidente Repúblika, Taur Matan Ruak.
Durante hasoru malu ho Xefe Estadu, Taur
Matan Ruak koalia mós sobre situasaun rai laran sobre rezolusaun
Governu no Parlamentu Nasional nian numeru 5-2014 hodi kondena grupo
illegal sira ne’ebé maka kontinua uza farda militar.
“Koalia mós konaba situasaun ida ke oin
loron portantu Parlamentu iha ona desizaun tantu ohin maka segundu dia i
situasaun ida ne’e neste momentu Governu fo mandate direitu ba iha
PNTL,”dehan Paixão.
Brigadeiru Jeneral, Paixão esplika katak
forsa armada la hola pozisaun sobre rezolusaun governu no Parlamentu
nian tamba tuir konstituisaun, forsa armada kuida defeza externa no
polisia maka defeza interna.
Maske nune’e iha lei seguransa nasional
katak se iha instrusaun ka diretiva husi parte politika forsa armada mós
bele intervene iha rai laran para fo apoio ba polisi nasioal, tamba
ne’e nia hateten pozisaun ne’e politika sira maka fo pozisaun.
“Forsa armadas laiha pozisaun ida,
pozisaun, politika maka fo pozisaun, polisia maka dehan forsa armadas
tun ou sa’e,”Paixão, hateten.
Durante enkontru ho Xefe Estadu, Taur
Matan Ruak, Brigadeiru Jeneral ne’e mós informa sobre servisu ne’ebé
maka parte instituisau F-FDTL nian hala’o ona inklui mós postu F-FDTL
nian ne’ebé maka estabelese ona iha teritorio timor laran tomak.
“Fo hetene konaba aktividade forsa nian,
estadu forsa, estadu material ne’ebé ke iha F-FDTL nian, ekipamentu i
koalia konaba postu sira ne’ebé koloka iha fatin sira, haree konaba
siguransa, nune’e mós haree konaba ami nia ligasaun ho
populasaun,”Brigadeiru Jeneral, Paixão, hateten.
Durante enkontru ho Prezidente, Taur
Matan Ruak mós hato’o katak sei hala’ao enkontru trilateral entre Xefe
Estadu, Komando F-FDTL no PNTL nian hodi koalia sobre servisu no
situasaun iha rai laran.Jndiario
Judul: Paixão Fiar PNTL Sei Evita Grupo Ilegal
Rating: 100% based on 99998 ratings. 5 user reviews.
Ditulis Oleh 03.26
Rating: 100% based on 99998 ratings. 5 user reviews.
Ditulis Oleh 03.26
