Info Timor-Manuel Lelo Bere do Santos ho Olivio
Mota tenki ba hatan iha Manuel Ba Hatan Iha Tribunal Distrital Dili
(TDD). Tanba sosa mina illegal husi Indonesia.
Liu husi audensia julgamentu tribunal le
sai akuzasaun katak. Iha loron 2 fulan Agustus 2013 Polisia husi
Distritu Liquiça prende kareta kamioneta rua ho matrikula 53459 no 55862
ne’ebe tula mina illegal husi Indonesia ho litro 4.000-resin. Arguido
nain rua mak ba sosa mina husi Indonesia hodi lori mai Dili.
Iha julgamentu arguido Manuel hatete,
akuzasaun ne’e balun los no balun lalos. Tanba mina ne’ebe mak polisia
prende ne’e laos sosa iha Indonesia maibe sosa iha perbatasan Batugade,
area TL nian. No mina sira ho litro 4000 resin ne’e nia parte mos selu
taxa ba estadu liu husi alfandega iha Batugade nian.
“Mina ne’ebe mak sosa iha Batugade hodi
tula ba kareta rua ne’e, ami selu hotu taxa ba Alfandega sira iha
Batugade nian. Mina sira ne’e ami ba foti deit iha sira nia uma tanba
antes atu ba ami halo kontaktu uluk ona.
Maibe balun, sira nain mak lori rasik mai ami. Mina ne’e hamutuk litro 4000 resin.
No kareta rua ne’ebe mak tula mina ne’e, ami selu hotu taxa ba alfandega sira.
Kareta ida hau nian ne’e selu taxa ho
montante US $253,34 centavos, no kareta Olivio nian selu US $274,44 ba
estadu,” dehan Manuel ba tribunal
Bainhira sai husi Batugade mai iha
Atabae nian polisia iha fatin ne’eba haruka liu deit, tanba hatudu surat
selu nian ne’e. Mai fali iha Liquica mos hanesan, polisia haruka liu
deit. To fali mai Dili iha Delta mak polisia husi Liquisa nian tuir mai
hodi prende tiha mina sira ne’e, no to’o agora seidauk fo fila.
No mina ne’ebe mak sira sosa tiha iha
Batugade, fila mai iha Batugade nia parte sosa tan iha dalan ninin
ne’ebe mak ema fan iha jergen 20 litru no jergen 5 litru nian.
Iha fatin hanesan arguido Olivio hatete,
iha momentu neba nia parte la hatene kona ba kuantidade mina no prosesu
sosa mina ne’e. Altura ne’e nia hanesan kondutor ne’ebe tula mina ne’e.
Momentu ne’e tula mina husi Batugade
hamutuk bidon 21. Depois mai fali iha Palaka mak mina nain sosa tan mina
iha dalan ninin mak hanesan jergen 20 litro nian ida no jergen 30 litru
nian hamutuk 14. Iha Batugade sira toba kalan ida, no mai iha palaka la
toba maibe sei kleur oituan hodi sosa tan mina iha dalan ninin.
Audensia julgamentu ne’e prezide husi
Juisa Jacinta Coreia, MP reprezenta prokurador Jacinto Babo no arguido
hetan assistensia legal husi defensor publiko Marsia Sarmento. Jndiario
Komentario :
Judul: Sosa Mina Ilegal, Manuel Ho Olivio Ba Hatan Iha Tribunal
Rating: 100% based on 99998 ratings. 5 user reviews.
Ditulis Oleh 03.22
Rating: 100% based on 99998 ratings. 5 user reviews.
Ditulis Oleh 03.22
