Membru KRM –CPD Nain 3 Simu PP Fulan 6

Info Timor-Tribunal Distrital Baucau Sesta (14/3) semana kotuk hamonu sentesa Prizaun Preventiva (PP) fulan 6 komarka ba arguidu nain tolu (3) husi membru Conselho Popular Defesa -Republika Demokratika Timor-Leste (CPD-RDTL) no membru Conselho Revolusionario Maubere (CRM) ne’ebe polisia kaptura iha operasaun Lalulai, Laga, tanba komete krime hitu (7).

Krime hitu ne’ebe maka arguidu nain tolu komete maka hanesan artigo 243, 211, 202, 188, 244, 23 no 138 kodigu penal Timor leste ne’ebe koalia konaba bandu ema sivil kaer armas, asosiasaun kriminozu, organiza grupu halo krime no mos krime seluk desde obiedensia tamba lakohi tuir orden publiku nia hodi hetan farda sira ne’e.

“Sira hasoru krime hitu ida ne’e mak tetu ba iha tribunal kondena sira atu foti  desizaun sira tau iha prizaun prenventivu razaun aktu investiga klean liu tan atu prevene ba iha hodi labele halo tan krime tamba ne’e mak Tribunal tau sira iha prizaun preventiva hodi aselera ba prosesu ne’ebe mai ,”afirma Defensor publiku, Jose De Lima ba jornalista sira Sesta (14/3) iha Tribunal Baucau.

Defensor publiku ne’e hateten, arguidu Jose Viana ho Martinho Viana ninia desizaun hatun tiha ona iha 13 de Marsu  sira nain  rua komete krime hitu (7) iha krime seluk artigo 23 koalia konaba tentativu ligadu ba iha krime 138 koalia konaba homesidu iha momentu ne’eba sira halo reasaun hasoru PNTL ne’ebe tuda hodi hakanek Polisia, iha artigu ida tan mos koalia konaba ema ne’ebe mak halo violensia amiasa hakarak muda Estadu desolve Parlamentu.

Akresenta nia, pena ne’ebe mak tribunal hatun  ne’e to’o fulan 6, maibe depende haree problema ne’e oinsa, tanba ne’e sekuandu problema ladun todan  minimu ne’e fulan 6 masimu ne’e tinan ida prepara tama ba prosesu bain-bain, maibe  se fulan 6  mak nia dadus kompletu hotu ona entaun nia tama ba iha prosesu bain-bain  sei prolonga tan fulan nen to’o iha tinan 1.

Defensor ne’e esplika katak seidauk tama ba iha prosesu komum, maibe sei iha primeru interogatoriu sempre aplika medida ruma, ida medida ultima ne’e tama iha prizaun preventiva i razaun ba tribunal atu aselera ba investigasaun.

Informa nia, iha tan arguidu ida naran Luis da Costa “jordaun” ne’ebe kaer iha Lospalos husi Distritu Lautem ne’e iha ligasaun mos husi akontesementu iha Lalulai  ne’ebe polisia kaer hetan mos evidensia lubuk ida hanesan sasan tudik, diman no mos batar u’ut ne’eba mak hodi halo bukae atu han inklui mos fardamentu no bandeira ne’ebe mak polisia kaer horseik halo primeru interogatoriu ne’ebe ohin hetan dezisaun ba ninia primeru interogatoriu no nia mos tama prizaun preventiva

Ba desizaun refere parte defeza haree hela rekursu ba arguidu nain tolu ne’ebe refere durante loron 15 maibe arguidu refere nafatin tama iha prizaun nain rua ne’e iha momentu kaer iha fatin akontesementu Lalulai arguidu Jose Mendes hetan kedas ho armas kompletu kedas iha nia liman.

Desizaun husi juis Singular, Afonso Carmona katak, arguido Luis kontra artigu tolu kona mak kompostu husi,   provisaun arma bandu ema sivil labele kaer armas ou utiliza armas so forsa F-FTDL ho PNTL deit mak kaer armas no iha mos des obidensia tamba dala barak ona avizu tenki hatama farda entrega ekipamentu funu nia maibe sira nunka entrega iha parte seluk mos arguido komete krime homesidu.

Delima informa tan katak arguido Luis da Costa tribunal kondena kontra lei kodigo penal artigo 211, 188 no 244. Entretantu primeirtu interogatoriu ne’e taka ba publiku.

“Primero interogatoriu ne’e laos taka ba publiku maibe primeru interogatoriu ne’e ninia regra mak sempre taka duni hanesan ne’e kazu lolos ne’e kazu bain bain,”haktuir nia.

Julgamento primeiro interogatori ba suspeito nain 3 ne’e preside husi Juis Singular Dr. Afonso Carmona, Ministerio Publiko reprezenta husi Dr. Aderito Tilman no arguido hetan defeza husi defensor publiku Dr. Jose G De Lima

Kazu suspeito Martinho Mendes ho Jose Viana registo ho numero 0158/14/PD BAU no suspeito Luis da Costa registo ho numero 0171/14.PDD.

Tribunal hatun tiha ona dezisaun iha primeiro interogatorio ne’ebe halao durante loron rua iha tribunal distrital Baucau ne’ebe taka ba publiko kondena arguido nain 2 komete krime 7 tuir kodigo penal Timor Leste nian. Jndiario

Komentario : 

• Tweet

Judul: Membru KRM –CPD Nain 3 Simu PP Fulan 6
Rating: 100% based on 99998 ratings. 5 user reviews.
Ditulis Oleh Nelson Blog 23.35

Artikel Terkait :