PNTL Sobu Kuartel FALINTIL "Baucau"

Info Timor-Operasaun Polisia Nasional Timor Leste (PNTL) Distrito Baucau Sesta (14/3) kotuk sobu kuartel grupu  FALINTIL nebe durante nee iha Ruma Merah Baucau.

Grupo FALINTIL nee kooperasaun diak ho Polisia  hodi sobu airin bandeira nasional, Falintil no airin bandeira Fretilin ne’ebe dada iha kuartel nia oin.

Operasaun nee lidera husi komadante PNTL Distritu Baucau Superintedente Xefi, Jose Neto Mo’ok ne’e halao kuaze iha tuku 12.00 Otl meudia.

Wainhira ekipa operasaun PNTL to’o iha kuartel FALINTIL ne’e simu direitamente husi responsavel quartel Falintil Veteranus  Albino Xavier “Sakoko” akompanha husi membru FALINTIL balu ne’ebe durante ne’e hela iha ruma merah refere ne’ebe kuaze xefe familia ida.

Antis  sobu airin bandeira ne’e PNTL hahu ho aprosimasaun ho grupo Falintil kuaze besik oras ida nia laran ne’e konsege hetan konkordansia tan ne’e polisa ba dahuluk uza formatura hodi hatun bandeira refere no silu tohar airin bandeira hodi tula hotu ba kuartel PNTL Baucau.

Iha operasaun refere la uza forsa barak hanesan akontese iha fatin seluk ne’ebe involve polisia Batailaun Orden Public (BOP) Commando Operasun Especial (COE) Polisia Task Force, Polisia Operasun ho Polisia Eskuadra sira, maibe iha deit mak BOP kareta 2 ho polisia kareta 1, tranzito kareta 1 ho esquadra kareta 1.

Hafoin operasaun komandante PNTL Distritu Baucau Superintedente Xefi, Jose Neto Mo’ok ba JNDiario afirma, grupu ne’ebe refere lidera husi Albino Sakoko ne’e kopera diak ho parte seguransa hodi entrega bandeira RDTL, Falintil no Fretilin ba ekipa operasaun ne’e sai hanesan ezemplo ba grupu sira seluk.

“Ohin ami halo operasaun konjunta kontinuasaun operasaun ba rezolusaun ohin ami sobu sede ida iha uma merah ne’ebe lidera husi senhor Albino Sakoko halo koperasaun diak, nia rasik husu i ohin ami mai ho seguransa hodi hatun bandeira sira ne’e,”hateten dehan Komandante ne’e.

Komandante  Jose Neto Mo’ok haktuir, Albino Sakoko ne’ebe lidera grupu iha Rumah Merah ne’e entrega direitamente bandeira nasional, bandeira Falintil no bandeira Fretilin ba Polisia, tamba nia hakarak kopera hamutuk ho seguransa no mos hakarak kontribui ba paz.

“Sira kumpri rezolusaun ne’ebe mak governu aprova, Sakoko ho nia membru sira hatudu ezemplu diak para sira nia maluk sira seluk mos tuir ezemplu ne’ebe koopera  ho seguransa para kria estabilidade atu dezenvolve ita nia nasaun ne’e ba oin,”sublinha komandante Baucau ne’e.

Iha fatin hanesan responsavel, Albino Sakoko hateten nia sente triste, tanba parte polisia mai hatun bandeira iha oras meudia, maske nune’e nia parte hateten laiha buat ida tamba ne’e tuir lei no orden ne’ebe mak parlamentu  aprova.

“Se ita hanoin fila fali ba sentiment hau nia sentementu ne’e triste tamba razaun hatun bandeira nasional bandeira Fretilin historiku  hatun fali iha meudia, tuir lolos bandeira ida ne’e hatun iha lokraik bele oinsa mos primeru hato’o koinesementu depois de hatun lokraik maibe la buat ida maibe ne’e rezolusaun polisia nia knar ne’e tenki halo,”haklaken Sasoko.

Iha oportunidade ne’e Sakoko haktuir katak nia parte preokupa no triste, tanba  problema ida primeiru Mauk  Moruk ho Maun bo’ot Xanana nivel alto ninia  konsekoensia mak monu ba povo, entaun  sira ne’ebe maka lideransa uluk orienta povo ida ne’e faze indepedensia ninia ohin loron monu tan dala ida.

“Povo sei mukit sei terus hela mak mosu tan konflitu ida nebe mak hanesan agora dadaun mosu, sentimentu nudar kombatente ida dehan katak, oras ne’e dadaun Komandante L-7 buka hatene nia mos arguido razaun saida,”preokupa Sakoko.

Nia esplika tan katak, sede FALINTIL n’,e sede konsentra membro Falintil Veteranus kompatente sira 1975 mai to’o iha 1999 hodi halao aktidade hodi koopera hamutuk seguransa iha Baucau atu kria estabilidade no segundu halibur veterano sira.

Nia haktuir tan katak kuartel Falintil Baucau hanesan fatin konsetrasaun hodi halao aktividade Falintil no veteranus ninian hanesan oinsa ajuda veternus no Falintil sira hodi trata sira nia dokumentu ruma no asunto seluk tan. Jndiario

Komentario : 

• Tweet

Judul: PNTL Sobu Kuartel FALINTIL "Baucau"
Rating: 100% based on 99998 ratings. 5 user reviews.
Ditulis Oleh Nelson Blog 23.39

Artikel Terkait :