Reprezentante povu ne’e akresenta katak,
atuasaun ne’ebé Polisia Nasionál Timor Leste (PNTL) hala’o ne’e hodi
kumpri rezolusaun Parlamentu. No atuasaun sira ne’e la’o tuir régras.
Hanesan halo pasa revista ba sede Conselho Popular Demokrátiku,
Repúblika Demokrátika Timor Leste (CPD-RDTL) Kuarta feira, (05/03) iha
Balide Dili.
Adérito Hugo da Costa hatutan katak,
Estadu ho Governu nia kna’ar atu hala’o hodi kore povu husi pániku
ne’ebé durante ne’e sira sente, tanba durante ne’e grupu illegál sira ba
iha área rurál sira ne’e hala’o kobransa illegál hodi ameasa komunidade
sira atu oho sira nia animal hanesan karau no fahi sira, maibé sira
tauk lahalo buat ida.
Tanba ne’e tenik Adérito da Costa, ho atuasaun ne’ebé mak PNTL hala’o ne’e bele halo komunidade kontente.
“Tanba durante sira pániku ne’e Estadu
ho Governu hamutuk ho PNTL no Ministériu Públiku hala’o servisu di’ak
tebe-tebes hodi buka tuir no halo investigasaun ba movimentu grupu
illegál sira ne’ebé ho intensaun atu kontra nasaun ne’e”, katak Adérito
da Costa.
Nia dehan, karik PNTL sira halo
kapturasaun ruma, tanba ema ne’e kontra lei no nasaun ne’e mak bele
hetan kapturasaun nune’e nia husu ba komunidade sira labele tauk no
pániku, tanba ne’e kna’ar seguransa sira nian ho legál ne’ebé mak sira
hala’o hodi buka tuir grupu illegál sira ne’ebé mak hakarak kontra
nasaun ida ne’e.
“Atuasaun ne’ebé PNTL hala’o iha kapital
Dili laran ba to’o iha distritu 13 nune’e husu ba povu labele pániku,
tanba sira la’o hamutuk ho Ministériu Públiku”, Adérito da Costa
argumenta.
Lakohi Kilat Tarutu
Xefe Estadu Maior Jeneral Falintil Forsa
Deveza Timor Leste, Lere Anan Timor relata katak, rezolusaun ne’ebé
aprova ona husi Parlamentu Nasional atu fo kbi’it ba Polisia Nasional
Timor Leste atu hala’o operasaun tuir rezolusaun ne’ebé iha tiha ona.
Maibe iha atuasaun ne’e, Lere lakohi atu kilat tarutu tan hanesan 2006,
tanba konsekuensia husi kilat tarutu ne’e, povu mak senti.
Lere hatutan, povu ida ne’e iha ona
konsiente, tanba iha krize 2006, forsa esterior mai, Australia no rai
sira seluk mos mai hotu, rai nain Timor Leste mak lori sira nia ran no
isin hari tiha nasaun ida ne’e, ema rai seluk mak atu mai hanehan fali.
Maibe Lere esplika, ida ne’e deveza
interna ne’e kabe ba Polisia Nasional Timor Leste, hodi bele implementa
rezolusaun ne’ebé mak Parlamentu Nasional aprova tiha ona.
“PNTL mos iha kilat, husik PNTL atua ba,
maibe hau la fiar katak, atu to’o pontu kilat tarutu. Kilat tarutu
ne’e, 2006 akontese ona, no nia konsekuensia mos ita hatena ona,” relata
Lere Anan Timor ba jornalista sira Kinta (06/3), iha Palacio Governu
hafoin hasoru malu ho PM Xanana.
Bainhira situasaun emerjensia akontese iha rai laran mak F-FDTL bele intervene, maibe ida ne’e laos situasaun emerjensia.
“Ami Forsa Deveza ne’e, ami nia misaun
mak deveza esternu, ida ne’e la signifika katak, ami atu aujente ka, ou
ami atu esklui ami nia siguransa internu, ida ne’e depende, maibe iha
kordenasaun nia laran.
Ida ne’e hau la kohi atu akontese tan. Tanba ne’e mak hau lakohi atu kilat tarutu, I kilat sei la tarutu duni,”tenik Lere.
Konsekuensia husi kilat tarutu ne’e, povu sai fali refuziadus, ema estranjeiru mai sai fali rai nain.
Tanba ne’e Lere lakohi atu kilat tarutu
tan iha rai doben ida ne’e.Tanba ne’e Lere husu ba fardadu sira ne’ebé
hanaran an Konselu revulusaun maubere atu intrega atributu militar
ne’ebé sira uza hela dadauk ne’e, tanba ida ne’e kontra lei nasuan ida
ne’e nian.
Husik F-FDTL no PNTL deit mak hatais farda, tanba forsa legal iha rai Timor Leste ne’e so instituisaun rua ne’e deit.Jndiario
Komentario :
Judul: Povu Labele Pániku Ho Rumoris
Rating: 100% based on 99998 ratings. 5 user reviews.
Ditulis Oleh 03.12
Rating: 100% based on 99998 ratings. 5 user reviews.
Ditulis Oleh 03.12
