UNPAZ Sei Taka Klase Paralelo Iha Distritu

Info Timor-Reitor  Universidade da Paz (UNPAZ),Lucas da Costa imforma, iha tempu badak sei taka klase paralelu ou klase social iha distritu hodi loke fali klase satellite,nune’e hametin diak liu tan edukasaun iha distritu.

“Klase paralelo nebe’e mak loke iha distritu sei taka iha tempu badak hodi loke fali klase satellite,”dehan Reitor UNPAZ Lucas da Costa ba jornalista sira foin lalais ne’e iha nia knar fatin UNPAZ .

Nia imforma katak, sei hein estudante ne’ebe sei hala’o sira nia estudu iha klase paralelo remata sira nia estudu klase paralelu taka ona.

Tan ne’e nia dehan, loke klase satelate atu nune’e edukasaun labele konsentra deit iha dili, maibe tenki ba mos iha distritu.

Nia imforma tan katak, klase paralelo universidade da paz loke iha distritu 9 hanesan, Baucau, Aileu, Same, Ainaro, Suai, Oe-cusse, Liquisa, Ermera ho Maliana.maibe iha tempu badak unpaz sei taka klase paralelo iha distritu hotu.

Taka ona klase paralelu sei loke fali klase ou kampu satellite, ne’ebé oras ne’e dadaun kampu satellite halo tiha ona iha liquisa, depois sei halao tuir fali iha distritu sira seluk.

Nia reforsa liutan, lolos ne’e UNPAZ atu taka tiha ona klase sira ne’e iha 2011, maibe tanba sosiedade no apoiu husi administrador sira iha distritu mak lakohi taka dehan katak UNPAZ atu loke nafatin ne ‘e mak klase paralelo sira ne’e sei funsiona nafatin.

“klase paralelo nebe’e mak UNPAZ loke iha distritu 9 ne’e hahu kedas iha 2007, nebe to’o oras ne’e husi klase paralelo UNPAZ fo ona graduasaun ba ema atus lima (500),” nia dehan.

Nia infroma liutan, dosente sira nebe mak hanorin iha klase paralelo ne’e iha grupu 2 hanesan dosente husi local ou rekruta duni husi distritu nebe mak loke paralelo ba, no mos, dosente sira balu husi kampu sentral Dili, i dosente nebe’e mak rekruta husi distritu sira so para hanorin deit materia nebe’e mak kaman hanesan, Portugues, Kimika, Biologia, Inglesh, Matematika.

Tanba, ba materia ne’ebe mak todan halai liu ba profisaun espesializasaun ne’e dosente sira husi Dili mak tun ba hanorin hanesan sira ba iha Sexta to’o Domingu.

Reitor ne’e haktuir tan katak, nia dosente sira nebe mak hanorin iha klase paralelo ne’e barak liu mesak Mestradu deit, no mos Dotoramentu nain 1. UNPAZ rekruta rekursu umanus husi distritu idak-idak, kona fali ba iha fakuldade nebe mak iha distritu ne’e iha variavel hanesan saude publika, agrikultura, direitu, politika dezemvolvimentu, ekonomia, direitu.Jndiario

Komentario :

• Tweet

Judul: UNPAZ Sei Taka Klase Paralelo Iha Distritu
Rating: 100% based on 99998 ratings. 5 user reviews.
Ditulis Oleh Nelson Blog 03.03

Artikel Terkait :