Info Timor-Prezidente Republika (PR), Taur Matan Ruak, kontente maka’as hodi apresia tebes ho situasaun iha Guine-Bissau ne’eb’e oras ne’e dadauk tamba hahú iha ona estabilidade no paz maske sei hein elesiaun jeral iha fulan hirak mai. Xefi Estadu, Taur Matan Ruak informa kestaun ne’e, hafoin simu relatoriu husi vizita Eis Primeiru Ministru, Mari Alkatiri ne’ebe foin reprezenta Estadu Timor-Leste (TL) hodi ba observa servisu tekniku hodi prepara eleisaun ba povu Guinea-Bissau ne’ebé hala’o husi ekipa TL ne’ebé lidera husi Sekretariu Estadu ba Desentralizasaun Administrativa (SEDA), Tomas Cabral. “Ha’u mai informa situasaun politika Guinea-Bissau, Prezidente apresia tanba ha’u ba reprezenta Estadu, hafoin Prezidente Repúblika halo dekretu prezidensial ida hodi nomea ha’u ba reprezenta Estadu TL hodi ajuda ita nia maun alin sira iha ne’eba, ne’ebé situasaun (politika) la’o diak hela,”informa Eis PM Mari Alkatiri ba jornalista hafoin hasoru malu ho Prezidente Republka, Taur Matan Ruak iha Palasiu Prezidensial Dili, Kuarta (19/03).
Lider Partido Frente Revolusionario Timor-Leste Independente (FRETILIN) ne’e dehan, tuir ajenda Estadu tranzisaun Guinea-Bissau ho nia povu sei hala’o eleisaun jeral iha loron 13 de Abril 2014 agora hodi hili lider foun lidera nasaun ne’e nian sai husi krize politika no militar ne’ebé akontese iha tinan kotuk.
Eis PM ne’e haktuir katak, Xefe Estadu, Taur Matan Ruak kontenti, tanba nia fo informasaun detalladu kona ba ajudus TL nian hodi lori nasaun ne’e rekopera husi krize no hakarak hala’o eleisaun hodi resolve sira nia problema.
Iha inkontru, Alkatiri informa mós nia vizita ba Estadu nasaun amigo Cuba hodi hametin kooperasaun iha area edukasaun liu-liu formasaun ba medicina.
Nia dehan, objetivu vizita ba Cuba ne’e haree fila-fali akordu ne’ebé TL no Cuba asina iha tinan 2015, hodi fo bolsu estudu ba medicina Timor oan rihun 1000 ba eskola hetan duni progresu.
Tuir planu akordu ne’e sei asina hafoun fali hodi kontinua haruka medicina Timor oan sira ba eskola tan hodi fila mai ba servisu iha sentru saúde distritu sira hodi servi sidadaun sira iha area rurais.
Nune’e mos iha parte seluk, iha Asembleia Uniaun Interparlamentar (UIP) iha Jenebra, reprezentante Povu iha fukun Parlamentu Nasional, David Dias Ximenes “Mandati” apela ba komunidade internasional atu halo parte reforsu Defeza no Seguransa Guiné-Bissau nian.
“Importante tebes atu komunidade internasionál envolve no buka rekursu hothotu ne’ebé presiza atu nune’e hafoin eleisaun remata implementa kedas programa apoiu, liu-liu ba iha reforma setór defeza no seguransa nian,”haktuir xefe delegasaun timoroan ba UIP no hanesan mós prezidente Komisaun B Parlamentár Negósiu Estranjeiru, Defeza ho Seguransa Nasionál Timor-Leste liu husi informasaun ne’ebé maka Jornal ne’e asesu.
Guiné-Bissau ne’ebé oras ne’e daudaun moris iha krizi nia laran, sei hakotu períudu tranzisaun ne’ebé kria husi golpe Estadu 12-Abril-2012 liu husi eleisaun jerál iha loron 13-Abril agora.
David Ximenes kritika nasaun no organizasaun osidentál hirak ne’ebé preokupa liu ho eleisaun jerál ne’ebé povu Guiné sei hala’o, ignora ka la fó konsiderasaun ba programa dezenvolvimentu no mós programa fortalesimentu institusionál tuir mai, hodi konsidera katak hahalok ne’e maka bele hamosu konlfitu iha mundu.
Deputadu ne’e esplika katak atu rezolve problema konaba populasaun desfavoresida no ladun moris di’ak la’os hala’o liu husi eleisaun, maibé liu husi programa dezenvolvimentu.
Reprezentante Timor-Leste nian iha UIP hakotu ninia intervensaun konaba Guiné-Bissau, hodi haktuir hikas konaba apoiu Timor-Leste nian hodi kria fali estabilidade no estabelese hikas orden konstitusionál iha rai-laran. Jndiario
Komentariu :
Judul: PR Taur Apresia Estabilidade Iha Guine-Bisau
Rating: 100% based on 99998 ratings. 5 user reviews.
Ditulis Oleh 12.23
Rating: 100% based on 99998 ratings. 5 user reviews.
Ditulis Oleh 12.23
