RENETIL Husu, PNTL Atua KRM Ho CPD-RDTL Tenki Professional

Info Timor-Organizasaun Resistensia Nasional Estudantes Timor-Leste (RENETIL), husu ba Policia Nacional Timor-Leste atu halo atuasaun ba grupu Konselhu Revolusaun Maubere (KMR) no grupu Conselho Popular Defesa Republika Demokratika Timor-Leste (CPD-RDTL), iha terenu tenki ho professionalismu.

Alende ne’e RENETIL mos husu ba grupu KRM no CPD-RDTL bu7ka maneiras pasifika atu hases a’an husi violensia no kopera ho Estadu liu-liu autoridade seguransa sira, atu nune’e tur hamutuk hodi kontribui, harii, no hametin Estadu RDTL ne’e.

Nune’e mos RENETIL husu ba Institusaun Estado sira hotu atu bele konfiansa ba malu, labele iha interferensia ba instituisaun seluk nia knaar no hatudu unidade de votus hodi buka solusaun tuir lei no hases violensia.

Rezolusaun Parlamentu Nasional (PN), numeru 14/III, hodi hapara ou atua aktividade grupu para-militar sira ne’e, tuir RENETIL laiha problema, importansia mak labele iha violensia iha terenu.

“Rezolusaun PN kona ba grupu Para-militar, RENETIL hakarak husu ba autoridade polisia ne’ebe ezekuta rezolusaun refere atu bele halao tuir prosedimentu hatudu professionalismu evita violensia, ba grupu para militer sira, atu hases-an husi violensia no kopera ho autoridade sira. No ba institusaun Estadu sira hotu atu bele konfiansa ba malu,”hateten Sekratiu Jeral RENETIL, Demetrio do Amaral de Carvalho ba jornalista sira liu husi konfrensia ba imprensa Segunda (10/03), iha sede RENETIL Farol, Dili.

Sekretariu Jeral RENETIL ne’e hatutan, Timor-Leste nia libertasaun patria mai husi terus no susar ne’ebé partisipasaun populasaun nian ne’e maka’as mak Timor-Leste hetan independensia, entaun ema hotu tenki asegura mantein estabilidade hodi nafatin kontribui ba prosesu hametin dame iha rai laran.

“Tur hamutuk hodi hare’e, oinsa kontribui hodi harii no hametin ita nia Estadu ne’e,” hateten  Demetrio.

Alende ne’e, Sekretariu Jeral RENETIL ne’e mos informa katak, diskusaun no opiniaun sira kona ba kandidasaun komisariu Komisaun Anti Korupsaun (KAK) nian ne’e lolos nakloke ba ema sira ne’ebe interesante hodi fo opiniaun. Nune’e opiniaun krítiku, analitiku ba kriteria, ekspektativa publiku ne’ebe kandidatu ida tenki iha kondisaun hodi halao servisu ida ne’e iha futuru.

RENETIL mos haree katak diak liu kandidatura ba komisariu KAK ne’e liu kandidatu rua ka tolu, nune bele fo kondisaun ba Parlamentu Nasional (PN) hodi iha opsaun no tetu hodi bele hili ida diak liu husi sira nain rua ka sira nain tolu.

Liu husi husi oportunidade refere, RENETIL mos koalia kona ba  Provedor Provedoria dos Diretus Humanos e Justiça (PDHJ),  Sebastião Dias Ximenes (iha okaziaun hatan perguntas husi media balun kona ba asuntu KAK ), sira hateten la sala no lolos publiku tenki iha opiniaun kona ba kandidatura komisariu ka adjuntu KAK nian tanba  institusaun ne’e nudar institusaun save ida ba kombate korupsaun. Aspetu ida ne’ebe mak sai mos indikador husi governasaun ne’ebe diak husi Estadu ida.

Ho razaun hirak ne’e mak lolos akademiku sira, politika sira, aktivista sira no ema ne’ebe interese ba asuntu ne’e atu bele fo opiniaun ne’ebe analitiku no kritiku, Demetrio informa.

“Señor Sebastião la iha baze atu koalia kona ba asuntu ne’e, tuir lolos nia so haree lolos evaluasaun deit iha nia servisu fatin to’o agora nia promove promosaun Diretus Humanus iha Timor-Leste to’o iha nivel saida,”dehan Demetrio.Jndiario

Komentario : 

• Tweet

Judul: RENETIL Husu, PNTL Atua KRM Ho CPD-RDTL Tenki Professional
Rating: 100% based on 99998 ratings. 5 user reviews.
Ditulis Oleh Nelson Blog 03.07

Artikel Terkait :