Info Timor-Reprezentante Embaixada Timor-Leste iha Thailandia foin lalais nee hasoru malu ho lideransa klubu futebol husi Thailandia, Siam Navy FC hodi koalia kona ba koperasaun iha area futebol.
Tuir Komunikadu Imprensa husi Minesteriu Negosiu Estranjeiru no Koperasaun Embaixada Timor-Leste ba Bangkok-Thailandia, ne’ebé tama iha Jornal Nacional Diário, Kuarta (19/3), Charge D’Affair Embaixada Timor-Leste iha Thailandia, Francisco Dionisio Fernandes hateten, iha diskusaun ne’ebe nia parte halo ho Prezidenti no Vise Prezidenti Siam Navy FC katak klubu nee pronto halo koperasaun ho Timor-Leste.
“Iha vizita ida nee hanesan Programa Embaixada nian atu hametin relasaun entre povo ho povo atravez desposrtu (Thaialndia-Timor-Leste), ha’u mos hetan malu ho Presidente no Vice Presidente Klubu Siam Navy FC hodi koalia mos oportunidade kooperasaun iha modalidade ne’e ba future,” dehan Francisco Dionisio Fernandes, iha nia vizita traballu ba Pattaya, Distritu Sattahip, Domingu (16/3/2014) hodi asisti Jogu kontinuasaun Liga Divisaun 1, Thailandia nian, Entre Sriracha FC vs Siam Navy FC.
Diplomata nee mos informa katak, Prezidente no Vise Prezidente husi klubu refere hatan katak, prontu atu simu no halo jogu amizade entre SIAM NAVY FC ho Ekipa Selesaun Nasional Timor-Leste husi Nivel Sub-19, Sub-21 no Sub-23.
“Atravez Jogo amizade mak klubu nee bele eskolla rasik Jogador futebolista Joven Timor oan ne’ebe sira interese atu mai joga hamutuk iha Klubu ida ne’e iha Liga Musim foun mai iha future,” dehan Francisco.
Autoridade husi Klubu Siam Navy FC sira apresia los ho Jogo neebe mak hatudu husi Futubolista Joven Jose Carlos da Fonseca neebe oras nee dadauk joga ho Sriracha FC iha jogo ida nee.
Alende nee, Diplomata nee mos informa katak, dadauk nee kapitaun ekipa selesaun nasional sub-23, Anggisu Barbosa too ona iha Bangkoke-Thailand hodi hamutuk ho nia belun Jose da Fonseca iha klubu SRIRACHA FC.
Embaixada dala ida tan hatoo bemvindu ba Anggisiu Barbosa neebe too ona hodi hamutuk Jose da Fonseca hamorin naran Timor-Leste iha mundu internasional liu husi futebol. Jndiario
Komentariu :
Judul: TL-Siam Navy FC Koalia Koperasaun Futebol
Rating: 100% based on 99998 ratings. 5 user reviews.
Ditulis Oleh 13.00
Rating: 100% based on 99998 ratings. 5 user reviews.
Ditulis Oleh 13.00
