Tuir akuzasaun katak, iha loron 26
fulan Janeiro 2011. Jose hanesan arguido buti Melia hanesan lezada nia
kakorok, ameasa, trata, tolok, ku vitima nia kakorok. Tanba arguido
hakark hadau labarik husi lezada, atu ba Natal hamutuk ho arguido iha
Hotel Arbiru. Maibe lezada la fo fatin.
Ho arguido nia hahalok sira ne’e, MP akuza arguido komete krime violensia domestika, tuir kodigu penal TL.
Rona tiha akuzasaun ne,e arguido
konsidera, akuzasaun ne’e lalos no nia konsidera vitima mak, halo
akuzasaun falsu hodi kondena arguido.
Iha Tribunal, vitima Melia da Costa
deklara katak, nia ho arguido moris hamutuk no agora rai oan nain
ida,maibe agora sira fahee malu I la moris hamutuk ona.
Nia mos deklara katak, problema ne’e
akontese wainhira arguido hakarak lori nia oan ba halo natal hamutuk, ho
familia mai husi Australia iha Hotel Arbiru. Maibe leizada la fo, ho
ida ne’e mak problema ne’e hodi mosu, maibe, laos vitima mak, la fo
labarik. Maibe vitima la fo tanba antes ne’e arguido rasik nega katak,
laos nia oan.
“Hau la nega arguido hanesan labarik nia
aman, maibe nia mak nega fali labarik ne’e hau mos laran moras. Tanba
ne’e mak hau lakohi fo labarik ba nia atu lori ba mai,’’ dehan nia ba
tribunal
Problema ne’e rasik vitima hakarak dada
ona, nune’e taka ona prosesu ne’e. Maibe tanba arguido halo bebeik ba
nia no halo nia mos laran moras, nune’e lezada lakohi taka fali prosesu
ne’e.
Audensia julgamentu ne’e prezide husi
juis singular, Jacinta Correia, MP reprezenta prokurador Baltazar
Ramos. Arguido hetan asistensia legal husi Jose Guterres, advogadu
privadu.Jndiario
_______________________________________________________________________
Judul: Hadau Malu Oan, Inan-Aman Lori Malu Ba Tribunal
Rating: 100% based on 99998 ratings. 5 user reviews.
Ditulis Oleh 03.27
Rating: 100% based on 99998 ratings. 5 user reviews.
Ditulis Oleh 03.27
