Kombate Krime Ilegal, TL- Amerika Hala’o Treinamentu Karat

Atu Kombate krime Ilegal ne’ebe maka mosu iha  Nasaun Timor-Leste (TL) hanesan droga, trafiku humanu, peska ilegal no krime sira seluk Forsa Naval Amerika no Forsa Naval Timor Leste hala’o treinamentu Karat iha Tasi Laran.

Tuir Enkaredu Misaun Amerika iha Dili, Real Admiral Cindy Thabaud, hateten katak, Timor-Leste hanesan nasaun ne’ebe mak iha valor hanesan Estadus Unidus senti haksolok hodi dezemvolve forsa Maritima ninian liu husi Exercisiu karat.       Tuir Real katak Treinamentu ne’e hanesan Exercisiu biltateral ne’ebe hala’o ho nasaun lubuk ida iha nasaun sudeste asiatiku ninian, ne’ebe  maka hare liu ba iha area komum seguransa maritima ninian.

“Ikan sai hanesan rekursu nebe importante liu, iha tasi laran iha mos aktividade nebe risku ba ilegal atu fo seguransa ba area maritima nian ita bele halo patroliamentu no atuasaun hasoru ema sira nebe halo aktividade ilegal hanesan trafiku umanu, droga no mos arma,” dehan Real Admiral Cindy Thabaud ba Jornalista iha Ró Uss Kidd CDDg 100  lran Kuarta (26/02) ne’ebe para iha tasi klaran.

Nia hatutan kuaze 90% aktitividade lao iha tasi laran kompara ho aktividade ne’ebe la’o iha rai maran no mos aviaun, tan ne’e treimantu ne’e ajuda atu moris iha ambiente ne’ebe produtimu, tan ne’e naval Amerika senti haksolok servisu hamutuk ho forsa naval Timor Leste.

“Ami fiar katak seguransa maritima ida ne’e importante tebes atu kombate negosiu iha tasi laran ba iha estabilidade,seguransa no mos prosporidade iha rejiaun ida ne’e,” esplika Real.

Iha fatin hanesan segundu komandante Falintil-Forsa Defeza Timor-Leste (F-FDTL),  Brigadeiru General Filomeno Paixão,  hatete atu fo seguransa, dezemvolvimentu no mos moris diak, Timor-Leste tenki hala’o amizade ne’ebe diak ho nasaun hotu-hotu.

“Ita tenki halo relasaun diak ho nasaun hotu-hotu liu-liu Estadu Unidus Amerika, Australia  no mos Indonesia, ba oin ita hakarak sai amigo ne’ebe diak atu bele kria situsaun ne’ebe diak hanesan familia tan ne’e Exercisiu ne’e kapas tebes,” dehan Filomeno.

Akresenta nia, kada tinan Timor-Leste hanesan Marina Amerika hala’o nafain ejesisiu karat hodi fo apiou makas ba iha komponente naval TL nian tamba ne’e seguransa Maritima laos F-FDTL deit, maibe PNTL alfandenga tenki hamutuk hodi kombate.

“Ita Timor-Leste iha problema peska ilegal, ita iha problema trafiku umanu illegal, droga no sasan oin nebe dala barak sempre mai husi tasi, tan ne’e treinamentu ne’e ba  ita senti diak,”koalia Filomeno.

Tuir Observasaun  Jornalista nian nota katak Exercisiu Karat nee’e laos halao deit iha tasi laran maibe halao mos iha sentru Metinaru, Membru F-FDTL ne’ebe mak partisipa iha Exercisiu nee’e kuaze nain 90 no treinamentu ne’e hala’o durante loron tolu iha tasi laran. Jndiario

Komentario : 


________________________________________________________________________

• Tweet

Judul: Kombate Krime Ilegal, TL- Amerika Hala’o Treinamentu Karat
Rating: 100% based on 99998 ratings. 5 user reviews.
Ditulis Oleh Nelson Blog 03.19

Artikel Terkait :