PM Xanana: Governu Sei Uza Forsa Atua KRM No CPD-RDTL

Primeiru Ministru (PM) Kay Rala Xanana Gusmão dala ida tan apela ba grupu Konsellu Revolusaun Maubere (KRM) no Conselho Poplar Demokratika Repúblika Demoraktika Timor Leste (CPD-RDTL), ne’ebé sei uza farda militares atu entrega lalais iha tempu badak nia laran. Tanba hahalok grupu sira ne’e kontra ona lei ne’ebé vigora iha rai doben Timor Leste (TL).

Maibé Xefi Governu Xanana Gusmão esplika katak, sé grupu sira ne’e mak laentrega lalais mak governu sei uza forsa atu halo atuasaun ba grupu KRM no CPD-RDTL .

Xefi Governu ne’e esplika, grupu KRM sira lafiar, ohin (horseik Segunda, 03/03/2014, red) iha parlamentu nia oin, ha’u hakarak husu tan dala ida. Tempu to’o ona atu aktus ne’ebé viola konstituisaun, nega ezisténsia RDTL, atu book-an lalais atu evita katak, estadu ida ne’e bele sai Estadu entranzisaun hanesan nia defende, maibé sai fali Estadu em konflitu.

“Ohin mós iha parlamentu nia oin, ha’u aviza ba hot-hotu ne’ebé hatais farda, imi entrega ou ha’u rasik nu’udar Ministru Defeza, sei tu’un ba fatin ne’ebé imi marsa hela, ita kaer tiha liman, ha’u haruka imi sa’e foho, mak ami tuir ba,  iha ne’ebá lakaer liman ona, kilat musan mak sei haree,”dehan PM Xanana iha Parlamentu Nasionál Segunda, (03/3) bainhira governu ho Parlamentu Nasionál aprova rezolusauan hodi kaptura grupu KRM ho CPD-RDTL.

Falintil 2020 mosu, Xanana dehan, sira buka tuir, ema ba kobra osan, bainhira hasai kartaun, kobra osan barak to’o governu kaer toman iha Taibesi, nia simu osan hodi halo nia uma kapás, mak governu desidi halakon tiha grupu ida ne’e.

Xanana mós aviza tan ba Falintil 2020 katak, lalika to’o 2020, mosu mai ba, para governu koñese tiha imi, hodi imi sa’e fali ba foho, mak Xanana ba buka tuir.

Tanba Xanana dehan, ninia ain sei di’ak, nia sei bele sa’e foho.

“Losduni, bainhira ita husik hela, no karik atu rona tuir hanoin kona-ba persuasaun tinan kotuk ne’e, ami buka para sadik, ami buka dehan katak labele, hodi konsellu revolusaun husu diálogu, tanba diálogu ne’e mak bolu iha Centro Convenções ne’ebé depois la mosu. Maibé iha surat ne’ebé ha’u simu, dehan katak, só bele iha diálogu depois de governu sai,” Xanana relembra.

Ministru defeza ne’e  dehan, nia fó ona apelu dala barak ba soldadu konsellu revolusaun nian atu entrega farda, maibé seidauk entrega to’o agora.

“Ida ne’e hanesan persuade ka hamaus malu”, Xanana esplika.

Maibé Xanana haktuir, reprezentante povu sira mak dehan tempu to’o ona atu hapara movimentu KRM ho CPD-RDTL, tanba liu ona limitis.

“Ita rekoñese ita nia-an katak, ita loke liu, tolerante liu, ema hot-hotu hakilar hanoin katak, ida ne’e mak demokrasia, tolok ita mós hanoin katak, demokrasia no direitus hotu, maibé ohin hot-hotu lembra, tempu to’o ona, tanba ultrapasa ona limitis,”katak Xanana.

Xanana fundamenta katak, povu iha rai doben ne’e povu iha rai ida ne’e lakohi atu terus tan, hakarak moris hakmatek

Xanana fó ezemplu, karik mak governu hetan hatais hela farda atu ba kuda aihan ruma iha toos, governu sei tolera, maibé kuandu sai ona politiku idiolojiku, ho ninia objetivus katak, konstituisaun ida ne’e labale, no buat hot-hotu labale, mak sira rasik hakarak mai halo revolusaun fulan 6 to’o tinan ida hodi halo reforma ba Estadu ne’e.

“Ida ne’e halo ita hanoin katak, dalaruma liman seluk husi kotuk karik, tanba ita haree ba mundu, rai sira ne’ebé riku, sempre mosu ema bisu-bisu ba tilun, no ema ne’ebé lolo liman ba bolsu,”akresenta Xanana.

Xanana mós rekoñese katak, governu failla duni, tanba foin lalais ne’e, KRM halo konferensia iha Kuartel Jeneral F-FDTL Fatuhada ho farda oi-oin, maibé governu lakonsege kaptura sira.

Taba ne’e Xanana husu deskulpa ba povu tomak, no Parlamentu Nasionál. Xanana mós dehan, iha duni frakeza instituisionál, tanba instituisaun sira seidauk hatene didi’ak sira nia kna’ar defeza de soberania.

“Ba CPD-RDTL, ha’u la’o hasoru imi iha Timor tomak, hodi husu ba ita bo’ot sira, ita tolera malu, maibé ohin, ha’u nudar ministru defeza no seguransa, ha’u sei la tolera ona, tanba imi hotu hatais baret merah. Imi hatais farda ha’u sei ba buka imi, ha’u hakarak haree tok, imi nia baret merah ne’e hakerek ho saida,”akresenta Xanana.

Xefi governu ne’e  mós husu ba CPD-RDTL atu koalia buat ruma karik, tenki iha prinsípiu báziku ruma, tanba bandeira ne’ebé sira halo, viola tiha ona konstituisaun 1975 ne’ebé CPD-RDTL defende.

I tuir Xanana, CPD-RDTL defene konstituisaun 75, maibé lalé konteodu konstituisaun ne’e.Jndiario

Komentario : 

 _________________________________________________________________________

• Tweet

Judul: PM Xanana: Governu Sei Uza Forsa Atua KRM No CPD-RDTL
Rating: 100% based on 99998 ratings. 5 user reviews.
Ditulis Oleh Nelson Blog 03.06

Artikel Terkait :